其實影子好似越嚟越唔滿意新同事嘅作風，
好多嘢佢都好鐘意複雜化，
譬如尋日臨收工先吩咐嘅嘢，
好似即刻就要人交出嚟咁，
雖然佢把口冇講，但係佢就會俾妳壓力。
今日就覺得有啲壓力，公司咁多員工，
而且啲員工唔係喺公司坐定嗰種，
要揾到人就必須要成間公司行勻，
今朝就係咁，
工作都未做完就要出去揾人攞證件嚟scan，
結果scan嘢嘅時候因為未連接到網絡，
所以有一個員工嘅嘢未scan到，
就即刻再去揾返個員工，
點知俾嗰死老嘢串影子近排做嘢好甩漏，
影子越唸越唔妥，就問番佢邊條鹹蝦燦亂嗡！
佢話佢自己覺得，影子就勁唔爽，
影子話我同以前一樣工作得好好哋！你咪喺度廢up！
依家公司多做咁多嘢做影子都係一樣做得企企理理，
幾時輪到你呢個死老粗亂嗡嘢！
之後佢講咗咗句性別歧視嘅嘢令到影子更火滾！
佢話：“妳去嫁人咪唔使返工咯！”
你呢條臭仆街！難怪你六廿幾勾都娶唔到老婆！
乜女人只有嫁人呢條路可以行嘅咩？女人咁冇價值嘅咩？
依家啲女人經濟能力比男人強，
嫁人就唔駛撈呢啲係上幾代嘅封建思想男人對女人嘅睇法，
唔係現代女性嘅觀念，
你同現代女性講呢番話係侮辱、係性別歧視！
影子從來冇埋怨過要自己揾錢，
即使賺嘅錢唔算多，至少影子有份正當職業，
賺嘅錢都養得起自己，影子覺得好自豪。
嗰啲封建思想嘅男人就係要逼女人嫁人，
古時候唔俾女人讀書識字就係因為佢哋嘅可憐自尊心作怪，
驚女人爬上頭。
（其實女人一早就已經超越你哋，無論你哋點打壓，都打壓唔到。）
不過依家仲係有好多女人驚死嫁唔出，
認為女人嘅價值係嫁唔嫁到個好老公，
真令人痛心。
傻女…其實妳哋嘅價值不止呢啲…
妳哋都係寶啊…
另外，
影子覺得呢個公司啲人嘅人品真係冇個好，
（甚至係呢個國家啲人都係）
有時候會同情老闆點解會有啲咁嘅員工，
不過有時候又會覺得呢啲係佢嘅報應，
因為佢呢個人做事太唔公道，
呢啲都係佢罪有應得。
影子都係唔好理太多，
人工咁低仲要一個禮拜返足六日工，
其他返五日嘅都hae住做，
影子都要hae下咯…
今日放工又淋雨啦…
唔知仲要淋幾日啊…
今日睇咗部唔錯嘅電影<A Cure For
Wellness>
男主角Dane DeHaan十分英俊…
哈哈哈…
影子好少會咁注意男演員嘅外貌，
畢竟好萊塢嘅電影都係俾演技、故事、特效吸引眼球，
反而演員外貌出唔出色就變咗次要。
不過呢位演員真係成功吸引到影子嘅眼球，
首先令影子注意到嘅係佢瞳孔嘅顏色好靚，
（睫毛又長，成對眼都好有魅力）
然後眼神有多少Leonardo
DiCaprio嘅神韻，
成部電影嘅氛圍、嗰種神秘感又有啲似Leonardo某一部舊作《禁閉島》嘅感覺，
（當然故事係完全唔一樣）
所以影子一直都有“佢有啲似Leonardo”嘅感覺…
仲未睇嘅朋友不妨睇下，
不過鐘意食鰻魚嘅朋友就需要斟酌觀看了，
驚你哋睇完唔敢再食鰻魚😆
No comments:
Post a Comment