尋日咪講到嗰個乞人憎請飲請食嘅…
今日佢居然又再請喔…居心叵測。
不過點都好啦…
影子絕對唔會相信呢個人嘅啦…
前兩日新同事請咗另一個新同事嚟，
呢個小鮮肉每日都搽好多香水嚟返工，
頭兩日影子仲可以忍受，
點知今日可能有其他原因造成影子開始有過敏現象，
再加上小鮮肉嘅特濃香水“局一局”之後，
影子嘅鼻敏感即刻發作到有如火山爆發，
一發不可收拾。
鼻敏感呢家嘢對影子嚟講雖然話已經好耐冇發作過，
不過一旦發作起嚟就比經常發作嘅時期更嚴重啲。
真係一日嘅精神都冇曬…
難怪人哋話：“寧願偶爾感冒都唔要一世敏感。”
No comments:
Post a Comment