其實唔記得係今日定係尋日，
新同事問影子點解唔趁後生、趁仲係單身嘅時候出去旅行吓？
呢個問題影子覺得好突然，影子反問返佢：點解咁突然問呢個問題？
佢冇正面回答，只係繼續問同樣嘅問題。
影子淨係回答咗佢一句：“我將來都會係單身。”
哈哈哈哈…
係吖嘛…影子唔駛趁依家單身（因為影子將來都會係單身）
而且講到旅行呢家嘢…
影子覺得未必人人都會嚮往嘅…（至少影子目前唔會）
鐘意旅行嘅人，影子可以理解佢哋嘅心態，
有啲人嘅想法係見識多啲外面嘅世界…
（呢種心態好OK好健康，值得鼓勵）
但係更多嘅係只係顧住影相打卡，
影風景地標都算了，更多嘅係自拍大頭照，
乜x風景都冇！
至於佢哋到底自己對眼睇過啲乜？
你問佢，佢都未必答得出嚟。
影子目前就比較冇咁嚮往去旅行（將來就唔知啦…）
目前可能係窮（將來應該都係窮）亦都可能係懶，
（更加可能係連請一日假都有壓力，點敢去旅行？）
以目前影子嘅心態就真嘅唔係太想出去旅行，
（以前嘅影子連街都唔想去，依家其實好好多啦…）
睇下點啦…話唔埋將來影子會鐘意周圍去咧…
總之目前就唔想住。
如果健康同經濟狀況允許嘅話，
將來機會多得是啦…
影子會一直單身架嘛…一場話走就走嘅旅行，
仲會有機會嘅…
其實唔駛話因為人哋話要趁後生去旅行，
你就要跟風架嘛…
最緊要係問自己想唔想？
想嘅話，咪去咯…
影子唔會覺得呢種心態係曬錢，
（因為要曬錢嘅話，坐喺屋企都可以網購洗曬啲錢）
如果唔想嘅話，咪存起啲錢先咯…
到想去嘅時候咪去咯…
自己嘅生活自己選擇，
自己開心先係最重要嘅，係咪？
No comments:
Post a Comment