唔惊唔觉…
噢…
应该係话一眨眼间，我嘅生日又到咗了！！
年纪又大咗啲…
骨头又脆咗啲…
骨头又脆咗啲…
皱纹又多咗啲…
做剩女嘅机会又高咗啲…
哈哈哈！！！嚸解我仲係咁钟意揶揄自己？
话说我好多年冇收过哥哥姐姐送嘅生日礼物，
今年就有收到啦！！
其实两份都各有特色，
三姐姐嗰份係Hello Kitty香水组合（提早咗好多就送俾我）
（虽然Hello Kitty未代替到Tatty Teddy喺我心目中嘅地位，不过我都算几钟意嘅…）
至于哥哥嗰份真係不得了了！！
请我食大餐之余，仲送咗B.A.P嘅mini album <One Shot>俾我，
虽然唔係最新嗰张，亦唔係咩贵重礼物，
但係难得哥哥咁有心…哈哈哈！！（有一丝感动…）
再加上因为我好钟意B.A.P，所以就更加开心。
至于我自己送乜俾自己？
咪又係佢咯！！
我帮泰迪仔搵咗个伴吖！！孤单咗一年，以后泰迪仔就有朋友仔陪佢玩了！！
（嚸解讲得咁恐怖…莫非平时夜晚佢自己识得出嚟玩？）
Choi！！依家仲係农历七月吖！！唔好讲呢啲住！！
同时亦都买到咗B.A.P最新嗰张mini album
<Badman>，
劲开心！！
至于嗰个生日蛋糕，我食咗几啖就食唔落咗…
真係好浪费食物！！
今年生日依旧收到好多生日祝福，
虽然大部份都係脸书入面嗰啲唔係太熟嘅朋友，
不过都好窝心…
彩虹、燕妮、伟鸿呢三位老友…
多谢吖！！
公主，多谢你喺我最愤怒，差啲啲又应咗生日魔咒之际，
听我“呻”…
雪妃，假假意扮唔记得我生日，
然后又假假意send张咁嘅嘢嚟…
（喂！！做乜send你男朋友张相俾我？？！！）
仲有几位旧同事，婉玲、Mei、辉仔…
新认识嘅朋友Cary、Rita…
多谢嗮！！
其实我有一个小遗憾…
Isa唔记得咗我嘅生日了…>_<
不过我原谅你…哈哈哈！！
最后…
我除咗祝自己生日快乐之外，
仲要祝福一下同我同月同日生嘅明星…
裴勇俊 1972 ~행복한생일
谢霆锋 1980 ~ 生日快乐
Dennis O 1981 ~ Happy Birthday
仲有喺天国嘅M.J 1958 ~ Happy
Birthday
好耐冇“年纪轻”嘅感觉咗…
突然发现原来我係喺呢几位前辈入面係年纪最细嘅…
感动了 >______<
飘走…
No comments:
Post a Comment