新年记述の完结篇

由于今年买咗平板电脑同埋prepaid boardband，
所以今年即使返咗家乡都有继续上网。
大部分时间都係用嚟玩HayDay.
觉得今年嘅新年好似过得特别浑浑噩噩，
浑浑噩噩の人生啊~
到咗年初八，就係要出返去开工嘅日子了...
每年到咗要出去开工呢一日，我都觉得特别难过，
难过嘅係：
其一，又要开工咗...
（开工等于落地狱咁，尤其係今年...觉得会落到十八层添吖！！）
其二，我好惊坐长途车，尤其係自己一个...
好攰同埋好惊自己一个攞住行李走嚟走去。
今年真係尅到爆！！
长途巴士又迟到个几钟，仲无剌剌俾人掟咗坐车尾，
七八个钟头嘅车程，五脏六腑都“feng”到散咁际。
冇呕冇头晕已经好唔错咗...
之后仲要“称”住包行李换车，真係差啲成条命都间巴士公司攞咗去。
之后排队等的士又等咗成个钟，
人嘅一生好似都要嗮好多好多嘅时间喺“等”呢方面...
悲哀...
而且我又偏偏好憎“等”！！

喺等的士嗰阵，我遇返同我一样被人掟去坐车尾嘅女仔，
佢同我点头微笑（一个几靓几sweet嘅女仔...）
同我同一个地方上车、一齐坐车尾、一齐等的士，
总算有啲啲缘份...哈哈哈哈哈哈哈...

今年冇买土产返去，因为真係好难攞！！
咪睇我肥si大只，其实我冇乜力嘅~
加上旧年咁辛苦攞到返去啲人又唔珍惜，
今年我唔再做无谓嘢咗！！！
han返啲钱同力水好过...