新年记述の二

年三十晚嗰日朝早比较有返精神，所以就同大佬出去买下嘢。
但係晒咗一轮返嚟之后，顶！！
我成个人又"谢晒"！！
攰到好想si，闷闷热热嘅感觉又返嚟了！！
屋企准备过年嘅嘢我完全冇精神去帮手，
当时嘅感觉就係：呢次新年真係有史以嚟过得最辛苦嘅一次！！
周身唔聚财、好似就嚟要病咁，但是又病唔出嚟。
或者係著短裤坐夜车返嚟嗰阵有“摄”亲下，
加上食咗嗰份油淋淋嘅糯米鸡之后仲搞肠沙添...
劲尅仔啊！！！！
老妈子就一直喺度ngingingongo:
"老咗嗰阵周身骨痛你就知味道！！"
（我依家已经老咗啦！！仲唔知味道咩！！）
好唔容易咁挨到了咗傍晚，忽然劲想饮咖啡，
饮完之后...wow！！精神就好神奇咁返嗮嚟！！
（莫非嗰杯就係传说中嘅“回魂咖啡”？？！！）
终于可以精精神神、开开胃胃咁食完团年饭了！！Yeah！！

 8＜8＜8＜8＜8＜8＜8＜8＜8＜8＜8＜8＜8＜8＜8＜8＜8＜8＜  

年初一，好彩已经冇咗唔舒服の感觉，
其实可以精精神神、安然无恙咁过新年先係最幸福嘅！！
年初一例牌冇出门，留係屋企“捕蛋”（其实每年都係咁...）
係咁浑浑噩噩渡过大年初一。

今年返乡下并冇乜亲朋戚友问我嘅感情状况，
（事实上係我都冇出去拜年，所以冇咩嚸见到啲亲戚）
又或者係老妈子有太多个女包了，（四朵金花^^）
所以我嘅存在感并唔高，冇乜亲戚会记得我呢号人物，
唸深一层，其实都係件好事吖~^^~
哈哈哈哈哈哈哈哈！！

 8＜8＜8＜8＜8＜8＜8＜8＜8＜8＜8＜8＜8＜8＜8＜8＜8＜8＜  

年初二，可以讲係由朝忙到晚，仲倒泻碟鸡==
之后到咗夜晚，两个老友就约我去佢哋屋企打边炉，
原本心情唔错，但係因为嚟接我嘅老友迟咗成个钟，
（其实只好怪自己冇车，下下要人载）
每年唯一一次嘅聚会都係要咁等，仲一个解释都冇，
唸返起年年都咁等，我就会觉得自己好戆居，所以成个心情已经冇咗一半。
但係话嗮都係识咗咁耐嘅朋友，见面嘅机会又唔多，
所以即使有唔开心，始终都係觉得唔好同佢计较了...
去到嗰边，因为我始终唔习惯人多嘅地方，
加上新年已经食得好“济”，已经冇办法大快朵颐。
后来到妮兴致勃勃话要放孔明灯，
我初时唔想扫佢兴，所以就话我都要写愿望，
但係我嗰个老友佢就同屋企人写紧，
我一个外人，你要我嚸好意思“参”埋落去写？
我咪同另一个朋友喺屋外面等佢哋写咗先...
嚸都估唔到原来我呢个举动，反而变咗扫佢兴...
佢就因为呢件事嬲咗。
仲好似读紧书嗰阵咁，依然用嗰种语气同态度嚟闹我哋。

或者我应该要企喺佢嘅角度唸下，话嗮係佢悉心安排呢个聚会，
而我又俾啲咁冷嘅反应佢，
所以佢会觉得自己白费心机，呢种心情我其实可以理解，
但係我当时并冇精力去解释我其实唔係特登扫佢兴，
而係我觉得自己好冇精神、做乜嘢都冇心情...
我唔知要嚸解释呢种身心疲惫嘅感觉俾佢听...
年纪大了...冇呢种精力同时间了...
真係唔想为咗一件小事而大费周章去解释。
嗰阵我就唸，我呢个孤独精，注定将来会连一个朋友都冇埋...

 8＜8＜8＜8＜8＜8＜8＜8＜8＜8＜8＜8＜8＜8＜8＜8＜8＜8＜  

隔日，佢喺脸书留言...
就因为呢个留言...我哋反而和好咗...
前一晚，我仲误会咗依家嘅佢仲係好似读书嗰阵嘅佢，
但係原来佢已经长大了...我都老怀安慰...（走得安乐了...睬！！）
我嗰阵有庆幸我有呢两个老友（虽然成日俾其中一个“侄”）
同埋有两个虽然未见过面，但係就好顶得住我怪脾气嘅朋友！！
（公主、雪妃...你哋知我讲紧你哋嘅hor？！^^）
然后仲有一班平时冇乜联络嘅“熟人朋友”，
忽然俾我某个充满忧虑嘅留言按赞，
真心感激你哋！！
因为你哋，我先知道原来自己并唔係想象中咁孤单嘅~