鬧爆妳

有時候會覺得自己其實係一個好多話嘅人（只要話題啱嘅話）

所以基本上乜都可以傾一餐。

以前喺公司都有啲同事係啱傾嘅，

不過唔知由幾時開始，就覺得啲同事刻意避開自己，

可能自己冇利用價值啦~~

正所謂道不同不相為謀，既然你哋咁在乎利益關係，

我都唔阻你哋發達啦！！

（繼續去lai人鞋底啦~~）

我雖然鐘意講話，但係亦都可以一直唔講話都唔會死嘅~~

呢排喺公司真係好唔開心，

雖然以前都唔見得有幾開心，

不過呢幾日好似特別多唔如意嘅嘢發生。

嗰個死巫婆，做人做到咁撚現實，

咁我係咪應該都要以其人之道還治其人之身先？

妳持住自己幾十歲人，

平時講嘢勁串，得罪嗮啲客仔，做嘢冇交代，

三更半夜先嚟返工，

乜×電話、kek手嘅嘢我都一個人啃嗮，

仲要代妳俾妳得罪嘅客仔鬧爆，

甚至應該由會計部門做嘅嘢我都幫妳做撚埋，

我都冇串過妳半句。

今日呢個客仔因為係urgent要開店嘅，所以先要提早去完成，

我都已經安排好，做好嗮記錄，吩咐嗮工程部嘅人過去，

只要打開簿睇下就連白癡都會明白嗮，根本唔使妳條廢材操心。

 

咁嗰個客仔驚miss咗所以先係咁易打來confirm下…

（我都估唔到佢會8點就打嚟架！）

咁妳係咁易幫我同個客仔講一句：“係呀…confirm會到。”

講幾個字啫~~講咗唔會少妳一忽肥肉下話？！橫惦妳成身都係肥肉。

咁都要咁撚計較？！

咁下次唔該賬目嘅嘢妳自己做返啦！！

打來問賬目嘅電話妳自己接返啦！！笨！！！

我幫妳做埋做埋咁多嘢，一句唔該嗮、辛苦嗮都冇，

幾百年都冇幫我過我一樣嘢！今日呢單係突發事件，

幾百年嚟就呢一通電話啫，妳都咁撚唔爽？？！！

妳都好撚計較啫！！

平時日日都幫妳咁多，妳仲成日喺背後中傷我，

妳都好撚冇道義啫！！

我知妳驚我叻過妳（咁我事實上係叻過妳呀嘛！

做嘢有條理過妳多多聲，唔似妳凈係識得“廢up”）

我知妳驚妳就快冇定企，

但係都唔使使橫手咁低莊架！！

妳條仆街！

特登三更半夜先嚟返工，所有賬目查詢電話都要我接尻埋，

家陣妳係會計定係我係會計？

所有妳嘅工作都推尻嗮俾我，

妳份糧出埋俾我啦！笨！！

仲搞到啲燈同冷氣都要on 24小時，

世界末日，妳就係頭號罪魁禍首啊！！人渣！

我知道公司入面人人要睇妳臉色，人人爭住lai妳鞋底，

但係我唔受呢套，由我第一日入公司以嚟，

我都係做自己，我冇針對妳（所有妳都咪撚針對我！）

我亦都將我嘅本分做到最好，甚至可以幫到嘅嘢，

我都盡量幫妳，尊重妳幾廿歲人冇朋友，

得公司有幾隻人形狗巴結妳，

但係妳唔好踐踏我做人嘅宗旨。

喺我出口鬧爆妳之前，妳最好醒定啲，

踩上心口要付出嘅代價好大嘅，

咪以為妳幾廿歲人我就唔敢鬧。