☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
今日想要分享一件開心嘅事（真係冇幾何吼…）
影子通常收工嗰陣都會自己行返住所，因為公司距離住所唔係好遠，
除非係落雨或者攞住好重嘅嘢啦~~
今日踏出公司門口嗰陣，發覺已經開始落毛毛雨，
唸住坐巴士返住所，嚸知行到車站嗰陣又冇乜雨水咗，
結果都係決定自己行返去。
行到一半嗰陣居然又開始落雨，不過雨勢唔算大，仲可以繼續行。
諷刺嘅係：嗰陣出緊大太陽。
喺呢個moment影子唸到一件事：
“咦？！落太陽雨喔…唔知會唔會咁好彩見到彩虹咧…”
影子知道要見到彩虹呢個現象其實都唔係咁易架…
尤其係依家身處喺呢個佈滿高樓大廈嘅城市裡面，
咪話彩虹，影子連月亮都好多年冇見過了。
以影子嘅認知係：必須喺大氣層充滿水點嘅情況下再碰上陽光正確嘅角度折射先會見到呢個現象。
影子當時覺得自己好傻，一邊撐傘一邊行，然後又一直望住個天，
搵緊彩虹，希望呢個卑微嘅願望會實現。
居然…
居然…
當影子行到一個大草場前，呢個係途中最空曠嘅地方…
影子真係睇到咗呢個連發夢都會想要見到嘅現象，
弧形嘅彩虹就掛喺眼前…
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
影子停低腳步攞起手機一邊淋雨一邊影，影子喺嗰一刻都唔顧得路人異樣眼光，
因為影子喺上一次見到彩虹嗰陣都已經係耐到唔記得幾時了，
（好似係小學嗰陣）
第一次覺得淋雨淋得好值得。
當影子影咗幾張之後彩虹就開始轉淡，之後就完全消失咗…
嚸解美麗嘅嘢都係咁短暫嘅？
Cary講見到彩虹係幸福，而影子覺得見到彩虹除咗幸福之外，
仲有就係“希望”…
只要唔放棄，更難嘅事都會有成真嘅一日，
就正如影子等咗咁耐，今日終於見到咗呢個大自然現象一樣。
雖然卑微，但係喺嗰一刻係真係會真正感受到“幸福”同“希望”。
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂☁☂
No comments:
Post a Comment