話說已經好耐冇用粵語嚟寫文，
所以今日即管再嚟用粵語“玩嘢”…
呃…係“寫嘢”先啱…
一方面其實係想知道google翻譯會譯得有幾好笑 ∩_∩
話說…（又話說）
真係啱啱遇著剛剛…
上個禮拜喺臉書側欄度發現有一個好得意嘅拍立特相機廣告，
我第一個感覺就係：
竟然會有咁大隻蛤乸隨街跳？！
咁靚嘅相機價錢居然咁合理！！
而且好似仲係新model添…
當下就忍唔住click咗落去八下。
之前我對呢種相機嘅認知係即影即有、外型cutie、
相機唔貴但係底片好貴。
唔睇尤時可，一睇癲Q咗！！（純粹押韻…好似有個字唔出得街）
買？定唔買？買？定唔買？
都猶豫咗一陣架…
結果都係忍唔住買咗。
不過我唔係買第一眼睇中嗰部，我係買咗另一部。
話時話，我睇到catalog度寫嗰個pouch係兔仔嚟…
但係橫睇掂睇…我都係覺得佢似小綿羊多啲喔…
不過真係好得意！！我好鐘意！！
+++++++++++++++++++++++++++++++++++++
上個禮拜日，去咗salon一趟，
真係好巧，剛剛又遇返啱啱…
去燙髮嗰日撞正生理期…唉…
好耐冇試過生理期過得咁辛苦…
講返我呢次染嘅“紅毛”…
大大話話都嚇死咗幾件…
第一個係送煤氣嘅工人，嗰陣我都唔明點解佢失機無神“哇”咗聲…
後來我估應該係我嗰把紅頭髮嚇親佢。
隔日返到公司仲以為凈係俾人“踩”，總算冇人再俾我嚇親，
點知傍晚先返嚟嘅salesman都係逃唔過俾我嚇親嘅命運。
所以講我呢粒紅毛頭，可以講係劣評如潮、驚嚇連連 ==
原本reborn完要3日先洗得頭，
我終於頂唔順就喺隔日就洗咗。
（呢次係第一次希望啲紅色快啲甩嗮。）
話說近呢幾年，我都唔敢自拍…
甚至連生活照唔敢影。
因為覺得自己真係好難睇…哈哈哈哈哈哈哈！！！
所以最近都喺度學習緊去影一啲不露面嘅自拍照…
呢兩張就係喺染髮第三日，focus喺頭髮度，完全“唔露面”嘅作品…
（多謝自然風嘅配合…）
有種飄逸嘅感覺係咪？
仲有啲想嘔係咪？哈哈哈哈哈哈哈哈哈哈哈哈！！！！
No comments:
Post a Comment