係“峰回路转”定係“五时花六时变”?

到底应该要嚸样形容我呢份人呢?

ermm...

係一个唔到最后一刻都唔知会落咩决定嘅人?

定係无时无刻都唔知想嚸嘅人?

简单嚟讲，应该就係"估我唔到"...

话说，寻日我先话去唔到见皇上，

但係今日居然已经买咗飞去睇佢...

係咪好癫?

其实寻日当我发现最靠近舞台嘅飞已经卖嗮咗之后，

真係down咗好耐...

嗰一刻真係决定放弃唔要去睇咗。

但係我呢个固执鬼硬係唔肯罢休，

係咁查嗰个会场嘅舞台同观众席嘅布局，

结果就俾我发现到个会场好特别，

係歌舞剧艺术馆嚟...

旧年11月先啱啱开幕，好新、好靓!!

然后我就比较下啲座位同舞台嘅距离...
由于係歌剧院，所以舞台就净係得一个，
并冇副舞台同伸展台，更加冇乜嘢摇滚区...
所以除咗前几排之外，其他嘅座位基本上都几远下。
喺我比较到烂咁济之下，
我寻晚临瞓前就决定咗买第二层嗰度...
因为我喺sistic度sao到嗰区啲飞仲未卖完，
G区第7排...

结果?
结果咪准备迎接我人生中第3次见证嘅演唱会咯...

呢一次真係时间紧逼，
又再一次后悔应承咗巫婆8月9号新加坡国庆日都去返工咯...
依家唯有希望我要求早走嗰阵佢唔诈型咯...
仲有希望演唱会唔好太夜散场，因为隔日我仲要lan去返工...
依家要开始要探路咗...
因为呢个地方我又係唔识去 =='''
都係嗰句："希望一切顺利"!!
B.A.P 我哋8月8号见!!
皇上...你记得要等臣妾啊...
飘走...

病病病 病病 病病

原本昨天约了哥哥去看电影，

但是却因为觉得喉咙有点不适所以就改期了，

可惜啊！！下周日<Despicable Me 2>应该下画了吧...

不过生病了也没办法啊...

话说自从从那个女人那边搬出来住之后，

都一直都祈祷着尽可能别生病，因为一个人在外面住还生病了の话...

实在太凄凉了...

结果就真の一直没有生病过...感恩感恩...

从前听某些人说过，太久没生病过，一旦生病了就会非常严重，

我真の会有这种担忧...

因为从前の我，每年都会生病三五七次，

但是搬了出来这一年多，都还没生病过，

真の很怕会应了那些人の话...

我到底是不是脑袋太空闲，一直想些无聊の事？

结果昨天就真の病倒了！！

周末晚真の睡得相当痛苦...

喉咙像十级火警烧个不停...

早上起床原本想看医生，但是休息了一会儿，

又好像没什么事了，所以就出去买了些清热の饮料试试降温看...

但是到了下午就连头也开始痛了...

一直觉得有点冷，但是那时の气温明明是三十多度。

一直喝着降温饮料，半睡半醒の熬到傍晚，

头还是痛到不行，还好像开始发烧了...

但是每当我想去看医生时，又好像变得没什么事！！

那么邪？

然后我又打消看医生的念头，一直熬到晚上，

病情进化到变成拉肚子，

拉完肚子后，觉得头变得更痛...

结果还辛苦到吐了出来！！

那时已经晚上十点多，我就只好倒头大睡，

隔天才看医生。

那时候还是头痛到没办法睡...

结果是怎么睡着？

（应该是头痛渐渐舒缓后才开始睡着吧...）

我隐约记得当时是每隔两小时就会醒一下来看看时钟，

好像是担心病倒了上不了班，还是上班会迟到之类の...

（明明我是讨厌上班）

可能小哈来了后加上我の工作准证就快到期，

所以最近有一股莫名の压力...

这次生病，我真の不大敢拿病假。

（明明已经一年多没拿过病假了）

就是一直祈祷希望隔天会康复...

幸好今天起床后，喉咙没那么痛了...

头痛也没有了，感恩！！万岁！！
体重还轻了2kg，生病一天就轻2kg？
很不正常吧！！
呃...应该是因为上吐下泻の脱水现象吧...
加上我昨天没胃口吃东西才会变轻吧...
我の脑袋总算还保持着清醒 ^^

但是今天却发现一件心痛の事：

皇上！！！

我居然miss掉了B.A.P Live on Earth Singaporeの首天售票！！

而且还是隔离那么久才发现！！！

话说我一直只注意Running Into The Sunの通告，

但是却没注意到B.A.P演唱会の宣传单位不是RITS，

所以当我到Sistic去查の时候，已经迟了3个星期。

如果...

我早点注意到B.A.P演唱会の日期有多好

（我就不答应巫婆公假上班，就可以尽情看concert了！！）

如果...

我早点去查B.A.Pの售票日期

（我就可以见到皇上了！！）

皇上...

莫非臣妾注定跟皇上无缘？

因为错过了这一次，很难会有下一次了，

不是皇上不来，而是臣妾很难找到机会去。

差点忘了祝外交大臣Alexander生日快乐！！

130706 Super Show 5 In Singapore 記述（後記）

呢篇後記...
其實主要係要補充一啲喺記述嗰陣漏咗嘅小細節。
 
Super Show 5是我人生中第二次睇嘅演唱會，
亦都係我第二次見到Super Junior...
雖然呢次係Super Show巡演史上成員人數最少嘅一次
（8+2）
但係銀赫喺演唱會結束後嗰段剖白，
嚸都可以算係最特別嘅一場呱...
但係可以好確定嘅係：呢一次我睇得好開心...
 
因為從來冇唸過自己有朝一日居然可以咁近距離見到佢哋...
雖然喺演唱會前有經過好無謂嘅掙扎，
一直擔心自己喺搖滾區度會暈低之類嘅...
不過依家唸返起都算有啲慶倖，
慶倖自己當時買到嘅係搖滾區門票而唔係VIP門票，
因為只有喺搖滾區先有那麼多機會近距離接觸佢哋。
 
重睇呢幾日寫嘅記述，發覺到唔知嚸解我一直喺度鬧佢哋...
哈哈哈！！
而且經過呢場演唱會之後，仲無意間幫佢哋改咗花名：
 
小海子——衰公
周覓——死仔包
 
我似乎真係唔驚俾啲妖精丙...
至於嚸解厲旭我會叫佢做“命中註定”
係因為N年前我曾經喺臉書度玩過幾個有關同SJ成員嘅緣份遊戲，
兩個唔同嘅心測得出巧合嘅結果：
“SJ厲旭係我嘅最愛”
“我係SJ厲旭嘅最愛”
就係咁...厲旭就變咗我嘅“命中註定”...
超級無聊hor？
 
上次喺SMT嘅時候，因為舞臺遠到連大螢幕都睇唔清楚，
嗰時銀赫講咗N分鐘嘅嘢，我都唔知道係佢，
我以為我嗰陣係因為攰得濟。
但係呢次居然又發生同樣嘅事...
演唱會啱啱開始嗰陣我未見到佢，
老實講嗰陣我真係認唔出係佢把聲，
不過當時我可以透過大螢幕睇見佢，所以好快就知道咗係佢。
或者係我對銀赫嘅熟悉度唔夠，
我硬係覺得佢現場講嘢把聲，同喺電視上聽到嘅聲有啲唔同，
呢種情形喺其他成員身上反而唔會，
不過後來我漸漸已經可以分辨到佢把聲了...
 
另外，我覺得自己一個人睇演唱會都冇乜唔妥吖...
雖然哥哥之前話我自己一個人睇演唱會咁鬼無聊...
（我先唸返起原來佢可以睇到我喺臉書度講嘅傻嘢...
當場“淤”到搵窿鑽 >///<）
但係呢次之後，我覺得即使自己睇演唱會依然可以好high嘅！
哈哈哈哈哈！死未？！
我真係任何時候都保持住高度冷靜，大概係我老了...
唸返起當時我手上嗰支螢光棒其實淨係偶然揮一揮，
其他時候都係用嚟潑涼，哈哈哈哈哈哈！係咪好過份？？！！
雖然身在搖滾區入面嗰陣，覺得裡面好空，
但係睇到人哋影出嚟嘅相，居然變成好full嘅藍海...
好靚...好神奇...
更神奇嘅係我知道我當時就喺藍海中嘅某個角落。
 
以前一直覺得只有妹妹仔先會追星、迷偶像，
成日覺得自己一把年紀了仲會有“呢鋪癮”真係好廢，
（雖然我不至於追星）
又擔心自己咁老仲學人企搖滾區，會唔會俾人笑，
不過呢次，我見到有媽媽飯來看SJ，
而且仲唔止一個！！
記得演唱會接近尾聲嗰陣，我“攝”到咗幾靠近舞臺嘅部份，
我發覺左邊同前面都企咗幾個媽媽飯...
嗰時我真係好驚訝！
佢哋嘅賣力應援程度唔會輸俾妹妹仔，因為佢哋都企到最前排，
仲高舉毛巾應援！
我仲遇到兩位日本嚟嘅妖精，都係咁啱企喺我附近...
演唱會結束，我轉身離開嗰陣，
仲有兩位妖精妹妹好有禮貌咁要求我幫佢哋影相，
呢一切一切都係難忘嘅...
 
東海、晟敏嘅gwiyomi
Henry後空翻爆胎
圭賢開口講英文一直俾人笑
神童仙女散花式派糖
銀赫沉重、歎氣嘅說詞
等等...
呢一切一切亦都係難忘嘅...
 
喺呢個旅程入面，我並冇影啲咩相（我影唔到啦！！）
新加坡睇concert有好多嘅規矩限制，
入場之前仲要經過檢查包包程式，亦都講明iPad可以帶入場內但係唔准攞出嚟，
（驚我哋偷偷哋錄影呱...）
原本唸住iPad可以做應援牌，但係大會唔准我哋拎出嚟都冇計架...
（雖然我都見到有人照樣拎...）
而且搖滾區又管得特別嚴，啲“食蕉哥哥”來來回回係咁穿梭、係咁巡，
我唔想演唱會仲未睇到就俾佢哋“掟”咗出去咯...
所以演唱會開始咗之後，我聯手機也不敢攞出嚟。
而且我始終覺得用肉眼捕捉佢哋先係最難能可貴嘅，
而且都比較清楚吖...
所以成場演唱會入面我淨係偷偷哋影咗張開場前嘅舞臺相咋...
~~~~(>_<)~~~~
雖然新加坡有嚴禁演唱會入面影相嘅條例，
但係佢哋嘅尺度比較闊就係真嘅，
銀赫喺dance battle嗰段露點+摩打腰shaking...
喺大馬場唔知會唔會見到？>///<
 
原本以為見到佢哋我嘅心跳會加速，
但係事實上居然完全冇...
或者依家嘅我只會喺見到Yif嗰陣先會心跳加速呱...
 
希望將來我仲會有機會企喺搖滾區度睇演唱會...
Super Show 5 In Singapore記述正式告一段落...
\(^o^)/~ 後會有期！！！

130706 Super Show 5 In Singapore 記述（演唱會篇）

喺場內，我發覺隔離有個妹妹仔都係自己一個人，

好安靜咁企喺度，我就覺得真係好鬼巧咯~

因為上次睇SMT嗰陣又係有一個“冷飯”

（冷漠同冷靜嘅飯）喺我側邊，

當時我哋兩個真係喺嗰度鬥冷靜，哈哈哈哈哈哈！！

莫非今日又有人同我鬥冷靜？

 

雖然室內有冷氣，不過搖滾區入面太多人，嚸都係有啲熱熱哋，

既然演唱會未開始，我咪直頭攞支螢光棒出嚟潑下涼先，

一物二用呀嘛！！

等咗冇耐...6點半鐘左右啦...演唱會就正式開始喇！！

VCR一出嚟就一陣瘋狂嘅尖叫...

（唔係我啦！我係冷飯嚟...喺其他人眼中，我咁冷漠應該都幾乞人憎呱...

成場演唱會都冇乜反應，淨係識得棟喺度）

其實我興奮嘅表達方式同其他人唔同啫...

我唔會亂咁嗌...

（我咁講唔知會唔會俾人丙？）

但係令到我O嗮嘴嘅係：

頭先我話嗰個好安靜嘅“冷飯”妹妹仔，居然都high到癲嗮...

⊙﹏⊙

<Mr.Simple>一開始嘅時候，

銀赫就喺PEN D前面嘅伸展舞臺嗰度出現，

原本企喺後面嘅人都一嘢湧嗮去前面，我都跟埋上去，

但係人太多咗...企得太近反而俾高過我一個人頭嘅妹妹仔擋實嗮，

連大螢幕都睇唔清楚，

所以我又乖乖哋行返去最後面嗰度睇大螢幕算了，

至少企後啲可以睇清楚大螢幕。

<Mr.Simple>唱到尾聲嗰陣，銀赫又走咗返嚟PEN D呢度，

舞臺升咗上去，我又再走過去，

嗰個時候，佢算係第一個稍微睇得比較清楚嘅成員，

（我係指用肉眼睇，唔係透過大螢幕）

嗰陣我一直kup實銀赫，周圍發生咩事我冇嚸注意到，

直到原本企喺我前面啲妹妹仔突然間癲咗咁逼埋嚟...

（應該係佢哋發現佢哋想睇嘅成員喺另一個方向）

嗰陣我感覺到啲妹妹仔喺從四面八方湧埋嚟，

我嗰陣嘅OS係：“因住我嘅iPad啊！！”

因為她們成個body壓埋嚟，我嘅包包都壓扁埋！！

仲feel到佢哋其中有啲手臂勁多汗啊！！

 

嗰陣真係應咗雪妃嗰句話：“帶iPad去把鬼啊！！”

乜你哋有咁唔想睇銀赫咩？集體走人算嚸先？！

然後唱到咩歌我唔記得咗，就淨係記得我一直都睇唔到佢哋本尊，

而且大部分都喺主舞臺嗰度所以就更加睇唔到。

後尾我已經進入咗半放棄狀態，乖乖哋走返最後面嗰度企，

仲企得好鬼“他條”差在仲未“enn”腳啫...

幾首快歌之後，佢哋出來講嘢，

嗰陣我覺得耳仔已經俾啲尖叫震到似乎有啲失聰咗，

雖然現場有翻譯，但係我唔多記得嗰陣佢哋講過啲乜，

隱約記得銀赫又玩Singlish...

 

之後係他們嘅反串表演，始源在PEN D嘅方向出現，

嗰陣我企到好遠，不過都仲可以見到佢嗰身打扮同埋搔首弄姿咁跳舞，

真係超級婀娜多姿、好笑到爆！！

然後就係一連串嘅歌，呢次大部分都係喺副舞臺，

不過佢哋冇乜嚸yok，我就保持企喺最後面嗰度。

<Sexy,Free & Single>嗰陣，副舞臺升咗起嚟，

雖然當時我企得好遠，

不過嗰陣企得遠嘅好處就係可以好清楚咁睇到嗮佢哋成隊嘅隊形同舞姿，

我嘅頭就係咁左拎拎右拎拎，分別咁喺右邊嘅大螢幕同左邊嘅遠景本尊輪流睇，

由於唔係好睇得到佢哋本尊，

所以嗰陣我開始覺得有啲悶，仲一直喺度打呵欠（咪丙我）

腰又開始越企越酸痛咗...

不過睇下啲妹妹仔喺前後左右四圍走嘅畫面都幾盞鬼。

 

直到<Rockstar>出現嗰陣，圭賢第一個向我企嘅方向跑咗過嚟，

由於之前嗰一段完全冇成員接近呢個方向，

所以最後面嗰部份冇乜人企，

而我嗰陣咁啱就企喺嗰度，所以當時睇佢睇得勁清楚！

我成個人即刻醒嗮（等咗成半場先等到呢一刻）

初時圭賢一直向住VIP席嗰個方向揮手，

即係一直用背脊dut住我呢個方向，當時我淨係睇到佢嘅側面同背影咋！！

我好後悔當時嚸解咁鬼正氣，淨係睇佢嘅上半身？

咁好嘅機會梗係要睇佢嘅pat pat先係呀嘛！

哈哈哈哈哈哈！我好鹹濕啊！！

好彩後尾佢都有轉過嚟同我哋揮咗手之後先走開...

嗰陣就覺得圭賢嚸解瘦得咁交關？真係瘦到爆...

 

跟住神童、晟敏都有行過嚟呢個方向，

亦都有同我哋揮手，佢哋本尊都係比電視上見到嘅時候瘦好多...

（我又忘記咗睇晟敏嘅pat pat）

之後行過來嘅就係銀赫，呢次見到佢仲近過頭先，

所以睇得仲清楚啲...

哇！！佢簡直就係紙片人！！

不過佢最大方，向住我企嘅方向最耐，仲赤裸上半身係咁shake...

（你條死佬！你對咁多女仔做埋呢啲動作，

我問你第時嚸樣同你嘅老婆交代？）

哈哈哈！我幾時變咗做管家婆？？

眼見<Rockstar>接近尾聲，我淨係見得嗰4件，真係勁唔夠喉咯！！

因為我最想見嗰件由開場到依家都仲未見到！！

激心到~~~

李東海！！

你好偏心吖！！

完全冇靠近PEN D！你咩意思吖你？？！！

原本我打算留守後面做“後衛”嘅...

但是之後來來回回走動嘅成員都係得神童同銀赫，

所以我就放棄了當時嘅位置，即刻跑去其他方向搵嗰個衰公，

但係條友好似喺度同我玩“捉依恩”咁，

係都搵佢唔到！！！！

 

李東海你正衰佬嚟架！！！

 

<Rockstar> encore、encore再encore，

而我亦都東張張西望望，都係遇唔到嗰個衰公李東海，

有時候遠遠睇到佢行緊去某個方向，我就即刻追過去，

但係我到咗之後，他又鬆咗人！！

啊啊啊啊啊啊！！

激死我啦！！

 

之後嘅表演次序我唔多記得，我就講我記得嘅啦...

我記得喺角色扮演嗰段，我發現靠前方嘅伸展台部分好空，

所以我就“攝”左落去（攝石人？！呢次都好靠近舞臺）

VCR播完之後，成員就分別喺唔同嘅方向出現，

而喺我所在嘅方向出現嘅就係銀赫(@﹏@)~

冇錯！！又是佢吖！！！！

我攝入咗呢個位置之後，雖然演唱會已經接近尾聲，

但係我反而冇前半段嗰時咁攰，仲精神咗添！

因為我一直未近距離睇過嘅成員終於開始輪流行埋嚟...

嗰陣先係我成晚最high嘅時候...

邊個先後出現我唔多記得。

 

我記得嗰陣有見到扮演<Toy Story>嗰個牛仔嘅周覓，佢冇嚸停落嚟，

一支箭咁跑過嚟轉個圈就走咗...死仔包吖！！

後面班妹妹仔係咁狂嗌：“周覓...周覓...Oppa！！Oppa！！”

佢到冇理到！！！！

 

見到Henry嗰陣，佢有聽到粉絲嗌佢，

佢就直接行埋嚟say hi...

一直都覺得佢好瘦，嚸知原來佢嘅本尊仲瘦多一倍添！！

 

然後見到我嘅“命中註定”厲旭...佢真係得意到爆燈！！

仲鬼咁親切...行到好埋嚟仲踎底同我哋揮手（就正正喺我前面）

之後有妹妹仔趁機遞拍立特相機過去俾佢，

佢完全冇遲疑，即刻攞咗過去同粉絲合照，

嗰陣一陣人浪撲埋嚟，我差啲俾佢哋壓扁，

拍完咗第一部，佢就攞第二部，神童咁啱行咗埋嚟，

就幫厲旭同粉絲影，

呢個時候喺我後面啲粉絲嘅手夾硬喺我頸旁邊度伸出嚟，

好似就算嗰樣入唔到鏡，都要只手入鏡咁，

我嗰陣差啲俾佢哋箍死...

 

再之後就係嗰個衰公李東海！！

你拾得過嚟了咩？？？？！！！！

害我白白追咗你成晚！！

不過佢都幾nice，有“烏”低身同我哋揮手，

（嗰陣我都幾慶倖我“攝”到入正中央位置，

所以每個成員行埋嚟都係停正喺我前面）

嗰陣啲粉絲係咁掟嘢上臺，我見到佢賣萌作狀閃咗下...

（閃咩jek？人哋有就住你嚟掟架嘛~）

之後佢彎底身好似好專心咁睇緊粉絲掟上去嘅其中一樣嘢，

仲邊睇邊偷笑...

睇完之後就執咗起嚟掟返落台 -_-!

銀赫嗰陣又失機無神閃咗出嚟...

 

之後佢哋就話係最後一首歌咗...

我突然間覺得嚸解好似時間過得特別快，

咁難得“攝”到依家呢個咁正嘅位，我梗係唔想佢哋咁快走啦！！

佢哋喺台度問我哋仲想要佢哋唱幾首歌，

歌曲一直加，

當神童講加到10首嗰陣真係全場都笑到癲嗮...

十二、十三佢就讀成“one two”“one three”

真係俾佢激死(╰_╯)#

之後佢哋真係唱咗一首歌就走返去後臺...

直到encore咗N分鐘，佢哋又再出嚟了！！

 

嗰陣我就喺度唸我仲有幾個成員未近距離見到，

好似強仁我仲未見到喔~

喺encore曲期間，佢哋有唱咗一兩首第一張專輯嘅歌，

呢個時候終於見到強仁了！！

佢都有企喺我前面揮手...好開心！！

然後我見到佢將粉絲掟上臺嘅嘢一隻隻執起嚟再掟返落台，

台下搶到亂...

（我心唸：搶咩吖？啲嘢又咪係你哋自己嘅...

唔通係因為強仁有掂過，所以先特別想要？）

 

厲旭喺呢個時候又行咗過嚟，佢嗰陣戴咗應該係粉絲俾佢嘅長頸鹿頭箍，

仲坐埋喺台邊賣萌，OMG！！

我副老骨頭又差啲俾班妹妹仔拆咗！！

厲旭你冇乜事都係唔好行咁埋嚟了，

你埋嚟一次，我副老骨頭就要俾人拆一次...

我頂唔到幾多鍋了...

 

唱<So I>嘅時候，銀赫企喺我前面有半首歌咁耐...

我嗰陣有OS：“嚸解又係你？？！！”

（我咁講係咪又會俾人丙？）

就喺呢分幾兩分鐘入面，我可以講係有足夠時間將銀赫由頭睇到落腳，

佢真係好瘦、好瘦、好瘦、好瘦！！

不過就幾靚仔下！！（我發誓呢句絕對係真心話）

 

喺encore歌曲期間除咗嗰個死仔包周覓之外，

其他成員全部都有嚟我企嘅地方打轉。

東海俾粉絲影相嗰個比V嘅表情 V^-^V

同埋因為俾保安擋咗俾唔到粉絲影相而露出無奈嘅表情 ╮(╯_╰)╭

我都覺得好得意！！我會努力記住你呢兩個樣！！

另外，喺我印象中係肌肉男嘅始源，見到佢嗰陣我覺得佢雖然好高，

但係就好瘦下...

 

嚸解一隻二隻都咁瘦？？？！！！

嚸解一隻二隻皮膚都咁白咁滑？？？！！！

你叫姐姐我情何以堪？？！！！

 

最後一字排開致詞嗰陣，可能有10個人嘅關係...

嗰陣我覺得佢哋講咗好耐下...

領先講完嘅神童同晟敏可能得閒得濟，兩個係咁喺度玩掟礦泉水樽，

其他嘅因為企得離我比較遠所以我只可以透過大螢幕睇佢哋。

呢次圭賢、厲旭全程冇show中文，就連Henry都齋講英文，

唔知係我唔記得定係真係冇...

唯一有講中文嘅就只有周覓。

Henry遺憾冇辦法喺concert度表演<Trap>所以即場清唱咗一小段，

圭賢亦冇忘記幫佢featuring，哈哈哈！！

演唱會就喺萬般不舍嘅情況下結束...

 

就喺大家都準備離開嗰陣，我都差唔多行到出口咗...

一陣尖叫令到所有已經行緊出去嘅人即刻返轉頭，

我都係(∩_∩)

然後我聽到銀赫把聲...

嗰陣銀赫喺主舞臺...大螢幕已經停咗轉播，

我又企得好遠，所以我完全睇唔到佢，淨係聽到佢把聲...

當時翻譯姐姐已經唔喺度，所以佢講乜我冇辦法聽得明，

不過佢有提到周覓、Henry同Super Junior-M，

間唔中又加少少“輕歎”...

我大概知道咗佢應該係講緊嗰樣嘢...

我係咪好醒呢？（因住俾人丙）

雖然我聽唔明佢講乜，不過我都好俾耐心咁聽佢講完我先走...

 

離開咗會場後，我即刻走去可以坐嘅地方坐陣先，

因為我嘅膊頭就嚟俾我嘅bag“贅”斷...

帶埋iPad去原本係想喺等入場嗰陣上下網嚟打發時間嘅...

結果帶咗去又用唔到...真係攞苦嚟辛。

坐咗幾分鐘之後，我睇時間唔算太夜（未夠10點）

（話說上次SMT載過我返去嘅前輩話我可以call佢嚟接我）

但係我見時間尚早，又冇落雨，我唔好意思麻煩佢，

所以就決定自己搭MRT返去。

我呢個路癡第一次嚟室內體育館，

嚟嗰陣又係前輩載，所以完全唔知地鐵站喺邊，

我唸住試下邊行邊搵。

我梗係唸到可以用GPS搵，但係網路用唔到呀嘛~

行咗一陣都未搵到，所以我唯有搏一搏試下開GPS，

結果未衰得嗮...網路雖然弱，不過總算帶我搵到咗地鐵站...

原來室內體育館同我住嘅地方唔係隔好遠，

半個鐘都唔駛就返到咗...

萬歲！！！

 

雖然當日又要返工又要企成晚睇演唱會，

但係返到住所後除咗腰同腳有啲攰之外，

我成個人都好精神...

唔知嚸解咁神奇...

哈哈哈哈哈哈哈哈哈哈哈哈哈哈......