仲未死得...

唉...

有时候我会觉得自己真係一个好容易受到刺激嘅人，

因为每次我都会为咗一啲小事而受伤，

但係之后又会好快因为另一啲小事又复活返！

偶然都会几庆幸自己嘅心灵总算唔係太脆弱。

哈哈哈！！

唔怪得人哋话女人係“打不死的蟑螂” =____=

（不过...可唔可以换过个好听啲嘅形容词呢？）

话说我之前有喺日记度提过有关同父母之间嘅事...

唉...我依家就觉得无谓重提了...

就因为咁...

所以依家每当睇到脸书有人话父母有几锡佢哋嘅时候，

我嘅情绪嚸都会有啲啲受到影响...

我唔会妒忌、亦唔会话诅咒呢啲晒温馨嘅人，

因为他们由心而发嘅喜悦会分享出来，

都好正常...

但是我睇到呢啲post，我嘅心难免会觉得俾针“吉”咗下咁...

特别係最近...

睇到有个朋友嘅post...

嗰一刻简直觉得係成把刀插入嚟咁...

不过，随即我就唸到...

呢啲係人哋嘅自由，人哋真係有咁幸福，

晒下都无妨...

我又为咩事要觉得受伤呢？

其实唸深一层，我嘅父母对我都唔算太差，

至少佢哋冇dum我落街、冇卖我俾“激零鬼”（印度人）

（细个嗰阵扭计，老妈子就会讲：“卖你俾激零鬼！”）

嗰阵啲细路都好惊听到呢句话...

唔单止咁，佢哋仲俾我高床暖枕、供书教学，

以致今日我可以喺度数臭佢哋...

（不孝啊！！）

我讲笑咋~ 

其实我之所以可以生存到依家，

我唸我应该要多谢我嗰位未出到世嘅家姐？

（话唔埋係大佬都唔定...）

如果唔係佢嘅事吓惊咗老妈子，或者我根本冇办法嚟到呢个世界，

仲有我嗰个大佬同埋两个家姐，事实上对我供书教学嘅係佢哋三嗰先ngam，

因为据我所知，我仲未出世嗰阵老豆就已经话咗唔要我了，

唔会理我係生定係死...

咁又嚸？

我结果咪一样生存咗落嚟！！

仲未死得...係咪？！

唔通就係因为咁，所以我每次睇亲情片都会喊到死死下？

加油啦！！打不死的＂寡人＂(⌒▽⌒)
继续献世吧啦！！