Maya*末日倒数 22《原则大过天》

呢铺真係杰挞挞！！
今日又同巫婆炒锅甘！！
唔知係咪年纪大咗！！最近好似冇乜怕死，
下下同巫婆“撑到行”。
本来区区嗰少少电话费我根本冇唸住要同佢计，
只不过嗰时係佢自己懒有型话要俾返我！！
依家又诈诈抵抵冇咗件事，争我成年电话费都冇还我！！
我都忍忍忍忍忍忍！！！
忍足佢成年！！今日终于忍唔住！！

原因係我唔钟意佢成日叫我sms俾佢啲客仔！！
喂！！大佬！！
电话费我自己俾架！！你要我贴钱打工吖？！
虽然一个半个sms唔会用到好多钱，
但係我觉得呢啲完全係原则嘅问题咯！！
你嗰死巫婆成日叫我sms出去，好似应份咁！！
佢唔係以为佢一路嚟都有还电话费俾我吓话？
妄想症吖佢！！
今日我终于忍唔落去我直头问佢：“仲有冇得claim返啲电话费，
上次唔係话两个月claim一次咩？我已经成年冇claim咗~”
佢就话：“你计俾我睇争你几多。”
我就凭记忆（应该唔会记错）话：“对上嗰次claim係喺2月份。”
然后佢就唔信，话佢要自己去睇记录。
仲话记得係3个月先claim一次！！
f**k！！！
你既然唔信嘅~你仲问我做乜？！
唔通区区几十蚊我要呃你？？！！
（成日话自己记得！！实情就係每一次都打横嚟！！靠恶凶人！！）

冇错啊~几十蚊唔係大数目，
但係原则上我就打死都唔愿蚀俾呢个贱人咯！！
claim返啲钱我唔晓拎去做善事啊？
拎去请同事吃返餐都好啊！
甚至拎去dum咗去都好过益你呢个贱人吖！！！
佢梗係喺背后闹我 “臭要饭、死爱钱！”
係吖！！我係要拎返属于我嘅嘢！！点吖！！
我依家係都要玩原则啊！！你咬我食吖？？！！
之后我就顶佢：“你唔打算俾返我，唔紧要！！”
我其实就係想话：“咁你以后都咪驶旨意我再帮你sms俾你啲客仔吖！！”
后尾越唸越火滚！！
仲唸返埋年假嘅事！！我直头打俾老细！！
问佢嚸解冇年假！！
呢个老细真係迟早俾巫婆收佢档！！
乜都话唔知！！身为一个老板咩威严、咩权力都冇，
净係识得话：“问巫婆啦~我唔知吖！！”
（食饭你知冇？？！！）
乜都俾嗰个巫婆揸嗮大权，唔觉得惊嘅咩？！
唉...
佢仲话：“你同巫婆商量睇下...”
我心唸：“老细！！如果同巫婆顷到计，我驶鬼打俾你咩？前世~”

（呢篇日记措词有啲粗俗...唔好意思...）
（不过写完就觉得好好笑，原来我真係几恶死下...）