Maya*末日倒数 154《老猫烧须》

话说~
我今日突然间醒起我嘅blog依然会俾“嗰只嘢”搵到，
唉...

因为我用咗我嗰英文名嚟做分类标签，
求其google一下就现嗮形...
呢铺真係老猫烧须。
唸起就真係有啲惨，
嚸解我要好似避大耳隆咁嚟避佢？
我又冇欠佢嘢！！
讲真啦！！之咪係我唔钟意人哋偷偷关注我，
然后睇我写啲乜咯...感觉好似俾人掀紧裙底咁...
（可能有人会话，咁你咪以后都唔好再去写blog咪得咯...）
但係写blog係我嘅兴趣，我绝对唔会为咗一个咁嘅人而放弃我嘅兴趣咯...
如果偷偷关注我嘅人係一个三唔识七嘅人都仲好啲，
至少佢唔知我係乜水，写乜都冇影响。
但係佢就唔同咯...
呢个所谓嘅家姐，佢就真係好钟意掀人私隐，
我唔钟意嗰种我在明，佢在暗嘅感觉，
佢知道嗮我日常生活嘅所有事，而我就对佢一无所知...
呢种感觉令我好冇安全感...
我好唔钟意咁样~
如果佢再係咁...
我唸后果只会有两种：
一，我会精神崩溃
二，我以后都唔会再理佢，呢世就如同陌路人。
等佢知道因一件小事就闹人“死贱人”嘅结果会係嚸...
~~…………~~…………~~…………~~…………~~…………~~…………~~…………~~ 

于：12-7-22 下午：11:59