其實影子越嚟越唔知道乜嘢叫做親情。
JB嗰個家姐，影子真係越嚟越覺得陌生，
定係影子其實根本冇認識過佢？
新年之後，影子覺得自己已經冇乜所謂嘅屋企人了，
雖然咁樣講好似好冇人性，但係的的確確係影子嘅心底話。
所以依家影子已經睇得好化，
嗰個所謂嘅老母為咗一個自私自利嘅女，
去鬧一個陪咗佢最耐，給家用從來有增冇減、幫佢處理家頭細務嘅女，
仲叫佢以後都唔好返嚟，咁傷嘅話…
說冇所謂就真係假嘅…
到依家，呢個女嘅心仲好痛，確定唔會再好返了，
喺有生之年，呢個女無疑會繼續盡佢嘅能力去養呢個所謂嘅老母，
但係佢哋之間嘅關係，已經唔會再有至親嘅感覺了，
因為呢個女嘅心隨著嗰個所謂嘅老母嗰句話而死去了。
講返最近嘅嘢…
之前影子所謂嘅老母咪唔舒服嘅，
然後大家姐就接咗影子所謂嘅老母去關丹嗰邊休養
影子所謂嘅家姐佢就Line嚟問影子要唔要去探佢所謂嘅老母
影子話請唔到假，叫佢約哥哥去
之後隔咗N個月
影子所謂嘅老母身體好返，返咗屋企
呢個所謂嘅家姐就假假話：“哎呀！原本想去探佢，點知媽媽咁快就返家鄉咗添…”
影子心唸：“你唔好出年先去！！”
呢件事令影子唸返起N年前影子所謂嘅老母扭傷手，
呢個所謂嘅家姐就點影子三餐要買新鮮嘢俾影子所謂嘅老母食
而佢自己就拍嗮心口話會返嚟照顧媽媽，
結果連人影都冇！！
點解佢次次都咁死剩把口？
呢啲都算了！
上兩個禮拜去JB
嗰日影子已經好唔舒服
佢仲要去食嗰間“焗”死人嘅韓國燒烤
燒幾粒鐘都唔肯走
影子已經辛苦到就嚟死得，佢明知道都無動於衷
連影子所謂嘅大佬都係咁由得影子死
結果影子嬲到自己走先
雖然影子唔係好認得路過海關
不過影子真係嬲到冇法子
唔認得路都照走！！
結果嗰日海關都唔知發生咩事，
好似走難咁！！鬼死咁多人過關，塞到爆
其實影子一直以來都係好唔鐘意去JB
每次去都係得返半條人命返嚟
佢哋完全冇件事咁8點幾都唔肯走，仲喺度繼續燒燒燒！
次次拖到有咁遲得咁遲，返到嚟新加坡都成十一二點
隔日影子仲要返工嘅，點解一啲都唔會體諒下影子
影子哥住得比較近，過完海關坐幾分鐘巴士就到
而影子就要坐成個幾鐘先到
所以次次都超過11點先返到住所
佢哋完全冇理會過影子！！
每次去JB影子要提早過個幾鐘出門，
早餐食唔切，仲要俾影子哥鬧影子唔夠早
影子已經好激心咗
去到JB仲要等嗰個所謂嘅家姐一家三口
（嗰個所謂嘅姐夫似乎唔多like影子兄妹，特登喺度拖時間）
次次挨餓到5、6點先有嘢食
有時影子會問自己，禮拜日明明係可以好好哋休息嘅，
點解要活活去嗰邊受呢種苦？
影子哥仲成日鬧影子唔夠早
佢住得咁近梗係可以早啦！！
影子住得咁遠每次都要比佢提早個幾鐘出門咧！！！
九點幾就要出門咗！！
呢個時間，佢仲瞓緊覺啊！！！！！！！！！！！
最重要嘅係：
咁早去有乜用
JB禮拜日要返學，嗰個所謂嘅家姐嘅女都未放學
去到又咪得個等字
等等等！等到4點幾先出去食嘢
影子又要問一次自己
點解要受呢種虐待？
（點解唔约佢啲去新加坡市区？）
講到呢部份，影子仲火滾！！！
佢哋一家三口
次次嚟新加坡都特登唔約影子兄妹
唔好問影子點解
影子唔知！！！
次次有嘢要影子幫忙都係叫影子過去JB
喂！！！
睇下形勢好冇，要人幫仲扮大牌
影子欠佢嘅咩？
嚟新加坡玩，好似驚影子阻住佢哋咁，
影子天遙水遠去JB就好似應份咁！
做屋企人做到咁樣嘅咩？
有時候影子覺得包租婆有樣嘢好過佢
至少包租婆係“真小人”乜都講得清清楚楚，
而佢就係“偽君子”成日扮嗮蟹！！
上次政府派獎勵金，
佢話要上網update戶口，影子就過去JB幫佢
呢次佢又要整啲乜乜乜
又要影子過去死多次！！
喂！！
網吧啲人搞電腦搞到飛起都話搞唔掂
影子憑乜嘢搞得掂？
係佢睇得起影子定係搵緊影子笨？
依家佢有嘢要影子幫忙，係咪應該盡量自己唸辦法過嚟新加坡
而唔係yok啲就叫影子過去呢？
佢都知道影子去JB呢段路唔容易行，影子相信佢自己都好驚行呢條路，
但係點解佢有嘢要人幫反而唔願意去煩，而要人哋去煩呢？
係咪佢就矜貴啲，影子就好下賤？
其實如果換作係兩個禮拜前
影子可能真係會死蠢到過去幫佢
但係兩個禮拜之后嘅今日
影子真係唔想再過去咗。
因為嗰日影子嬲到自己走嗰陣，喺海關度塞咗成兩個鐘
返到住所又已經11點咗。
佢哋明知影子係嬲住走嘅，
又明知道影子從來冇試過自己一個走！
結果連假意嘅一句“你返到未？”嘅短訊都冇，
好似影子就算喺中途死鬼咗都冇所謂咁，
做屋企人做到咁樣嘅咩？
影子依家就真係死咗！！
個心死到透透咗！！
本來影子都唸到，過咗去嘅嘢就咁算啦！
最多以後都唔去JB就好了
但係頭先佢又一個Line嚟話
叫影子去JB幫佢整政府部門嘅嘢！！
喂！！仲嚟？？？！！！
點解佢唔會唸下自己拿啲資料過嚟俾影子整？
而唔係下下要影子過去幫佢整？
點解影子可以行冤枉路，而佢就唔可以？
係咪影子條命賤啲？
上次佢話要睇姜育恆嘅演唱會，
影子卜心卜命卜埋街咁去幫佢！！
連佢要求要過來住一晚，影子都二話不說厚起臉皮問房東。
（雖然最終佢冇嚟到，但係影子真係花咗好多時間同精神幫佢，
無他嘅...就為咗嗰一份親情）
但係同樣嘅情況，如果換轉係佢就冇得傾了
之前影子啱啱出嚟新加坡，簽證出咗啲問題
隨時有可能暫時過唔返新加坡
影子問佢萬一真係過唔返新加坡，可唔可以喺佢度過夜，
當時佢點對影子？
佢就直接已讀不回，由得影子自生自滅
（可唔可以幫忙，講一聲唔駛死嚇話？）
點解同樣嘅情況，影子就義無反顧咁幫佢
而佢就可以做到咁絕？
做屋企人做到咁樣嘅咩？
頭先佢叫影子幫佢做嘅嘢
雖然影子真係好唔想過去JB
不過影子都盡力唸其他方法幫佢
影子做唔出好似佢咁絕，佢可以直接無視
影子做唔出，影子冇佢咁冇人性。
但係最終佢配合唔到影子建議嘅方法，
影子也沒辦法了…
總唔可以每次要人哋配合佢，而佢就一次都唔肯配合人哋！！
要清楚一點，依家究竟係邊個要人幫！！
影子受夠啦！！
影子已經學識點樣SAY NO了！！！
